《“炒完人咪又係要比掟煲费”

时间:2020-05-27    热度:806

《原创文章 欢迎转载 请列明出处 谢谢》-请支持蓝狮 Facebook专页-《“炒完人咪又係要比掟煲费”按此观看图片 正所谓“欠债还钱 天公地道”,车路士贵为英超列强之一,竟然因为炒一个主帅而大家闹上法庭,其实係一件相当之「丑死怪」既事,最终法庭宣布前领队干地获判胜诉,车路士需向意大利人支付900万英镑作解约金,真係可以话正义必胜。讲到炒教头,相信喺哩个世代黎讲车路士敢认第二都无人敢认第一,但讲到球会同领队搞到咁「姜」既话今次都係第一次,对上咁多任领队都係逃不过「被炒」收场,当中最无情相信係时任领队安察洛堤喺球队作赛后回程既队巴中得之自己被炒一幕,不过蓝军对于每个离职既领队都会赔足钱,相反今次面对干地就竟然唔赔足,当中又所谓何事?喺干地既两年任期之中,同球会之间既关係其实一直步向恶化阶段,自前任体育总监艾文拿路离职后,干地与高层既关係可以话达到缺裂程度,意大利人其实一直都希望球会能够支持佢喺人脚阵容上作出补充,尼恩高兰、阿历士辛度以及张伯伦等都係干地所提出既收购目标,但球会基本上就连一个都买唔到番黎,换黎既球员就变成真禾特、萨柏哥斯达、艾马臣等人,亦成为干地第二季成绩倒退跌出前四既主因。同时球会指出意大利人係处理迪亚高哥斯达一事上行为失当,喺重夺英超果季之后有传干地通过短信方式告知西班人不在来季计划之中,引致球员缺席开季操练继而重投马体会,车路士一方指干地哩个动作为违反左合约中既相关条款,令球会喺哥斯达是次转会既费用上得唔到应有金额,所以唔肯支付干地剩余既人工。说实话,无论当中谁对谁错都好,当初你选择决定炒人果一刻其实就一定要赔足,炒完人又唔比钱哩个动作真係相当「样衰」,仲讲紧既係你唔係一间细球会,依加成为左国际新闻,搞到全世界都知你会咁做之后就算有好教练见到都未必肯黎教啦,成件事车路士由头到尾都係无野搵野黎搞,自己无中生有,对球会黎讲根本就係百害而无一利。对于係车迷既大家,哩一刻都真係唔知讲咩好。顺带讲多句,祝干地你喺国米能够重新上路,他日欧联战场上希望能再见。文章发表时间 : 24/5/2019 12:45文章最后更新时间 : 24/5/2019 13:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持